11 Sep 2006 - 陪Winnie電髮

中午十二時左右，Wing同Winnie黎接我，我地先係Boxhill食少少野，
之後阿Wing番學，我就陪Winnie去首藝，入到去，髮型師問Winnie想點整，
Winnie就講少少自己想點，又問問他的意見，最後決定幫她修一修頭髮，
由耳既level開始電髮~我就係隔離睇雜誌，間唔中同Winnie傾下計，
又幫下佢諗下份功課的idea，電完之後，髮型師suggest佢染少少色，
於是我就幫下眼睇下咁，不過都係由佢兩位決定~我同Winnie係呢段時間，
睇哂首藝入面既雜誌~可能Winnie要整段長時間，所以佢地仲俾左杯茶我地飲~
由於我坐係Winnie隔離，所以佢染色時可能飛左少少色係我張chair到，
印到一點色係我條褲上，入面既工作人員知道，就幫我抹一抹佢，
佢地都好緊張想幫我抹掉，不過我又唔係好緊張，又唔係什麼名牌，冇所謂啦~
不過佢地紿終唔想弄污客人的任何東西，最後都抹得走~~真係好服務~~唔該~~ ^.^

 

Winnie整完頭髮時，已經六點了~唔覺唔覺坐了五小時~原本Winnie仲諗住，
阿Wing放六點，如果整完頭髮有時間就黎我屋企做功課，點知整完頭髮阿Wing都放學了~
哈哈~於是我地決定係Boxhill行陣等佢駕車黎~係Boxhill Central去toilet先，
點知去完toilet時，咦！係Amanda喎~咁喬既？哈哈~~佢話Sunny係出面~
於是我地出去同佢say hi之後就行去買野飲啦~Winnie仲叫多杯俾阿Wing，
同埋雞翼薯條一路食一路等阿Wing，佢黎到，飲完杯野，就過隔離間凱蜜食野，
不過大家飲完野都唔餓，叫左三碟都食唔哂，其實因為我實在食得好少，
因為杯野搞到我好飽，雖然話好快會餓，但我真係食唔到好多~哈哈~
不過我地沒有浪費架，食唔哂佢地拎番走的~我八點左右回到家~