中午跟Winnie車番church，今日係Uncle Peter分享，之後係分組prayer meeting~
之後係Uncle Kit講道~完左就有refreshment，由於部分youth都番左香港或China，
所以今次兩組youth combine一齊幫手~大家refreshment時都又傾又食，
期間全個church仲為Aunty Fong有個小型farewell，因為佢會去China三個月mission~
四點左右，大家幫手收野，洗野咁~冇幾耐，Winnie要番工，我就同Elaine、
Amanda傾下計，順便等打波~
我跟阿Wing車，先載Yi番屋企換衫，原來佢屋企咁近Ian同Andy屋企喎~宜家先知~
佢換完衫，仲拿了飲品俾我地~thx~好耐冇打過波啦~哈哈~~今日都打唔少~
打完波去Aunty Tina家，煮落飯，係大家等食飯時就有人睇電視有人傾計睇相咁~
食完飯洗完碗，Aunty Tina提議玩game，九個人，都應該係玩card game啦~
佢地話玩七級豬喎…下…我好易輸架…唔罰都ok既…但佢地話要罰喎~
咁就諗penalty啦~下…做乜大家每想出一個penalty時都好會以我為考慮中心架？
我話我會好易輸，都唔一定我輸架~到玩果時，原本我都冇級架，Francis係隔離，
我都忍住唔理佢…點知玩玩下佢話我多左牌，我好自然答冇架，咦…變三級啦！
過分呀！唔夠一分鐘，Aunty Tina問我野，我咪答佢lor，哈哈~~佢都三級啦，
佢好驚訝，因為佢以為我冇級，諗住令我升到一級~但我剛剛變了三級啦~
五級就算輸，所以危危乎呀…還好，係Edwind輸，由於之前諗既penalty係"俾我"，
所以佢既penalty變左掌上壓30下~佢自己未輸前提議架~ :p
之後玩Killer，先玩原始版拖手那種，但有點悶，同埋Wu lan唔太識，所以…
試過救人signal轉唔到，試過救一個冇死的人，亦試過killer自殺~哈哈~
玩番新版啦~~今次真係勁，killer win哂，除左nurse同killer外，all die~
why？因為跟本冇人諗過Wu lan會係killer，Aunty Tina係nurse就有幾個估到，
killer真係冇人諗到！當Aunty Tina知道後，好"大打激"呀！因為…
她信錯人同冤枉錯人呢~~Wu lan真係勁，唔係佢演技好，而係佢平時都比較少，
或可以說冇join過我地玩，而佢平時又少說話，我地會好自然覺得，
佢唔出聲唔估killer唔和議係正常~哈哈~~都係新版好玩既~~但…最先被kill既，
我覺得佢會好悶lor，因為知道一切，所以又唔估得又唔俾得意見~
玩完就回家，番到去，Winnie睇緊套叫"惡作劇之吻"的劇集，我又睇埋一份，
我地兩個一路睇一路comment，都係離唔開白痴、傻架、有問題、唔logical等~
因為真係架，任何人睇都只能有呢類comment…
