終於，今日都係我第一日番工啦~朝早七點起身，7:25左右出門，
因為細佬都係果段時間出門，哇，太早了…於是我好無聊咁，
坐到中環先轉車，去到佐敦又再慢慢去增值，慢慢行番公司，
番到去都先係8:20，我supervisor都未番… -_-
坐坐下，supervisor番黎，佢先俾份sample terms我睇，
因為份terms會講點樣收clients既fee，之後我就要做test啦~
佢俾左好幾個question我，睇下會唔會計錯個fee，十題左右，
錯左三題，原來我誤會左某一項，所以計錯左果三題既fee~ :p
之後佢就教我點樣做cold call，呀…其實…我都有點怕這類工作的~ :p
不過我呢份工，做cold call係難免的~今日成日既工作，就係…
上Jobsdb等website搵邊d公司想請IT方面的人，跟住就入自己公司既db，
睇下有冇呢間公司既contact，有既就睇下有冇人跟緊，冇就可以打~
如果db冇呢間公司我就要搵方法搵個contact，真係搵唔到就放棄~
其實我prefer能夠直接搵到個HR多過由reception接問我搵邊位，
因為這意味我要扮求職者睇佢信唔信我而pass我入HR~
雖然唔想，但都試左一次，又好彩地得喎，仲可以成功開到個client~
當然啦，開到只係指可以夠data入到我地個db，唔係成功肯用我地service~
但都好好呢~supervisor其實expect我可以打幾十個call的，
我雖然打就打得唔少，但佢計既係要contact到HR先算一個，
要計呢d，我十個都冇…-_-但好在我都meet到另一個緊要少少的要求，
就係可以send到兩三份terms或cv出去，咁我都搵到兩三個~好在~~
中午時，跟同事去左飲茶，因為有位由中國來的同事做交流，
於是就請她去飲茶啦~回到公司就繼續我的工作~5:50pm左右放工~
番到屋企，上好多網都受影響，msn又經常斷線，icq仲on唔到~
website又勁慢…真係冇諗過台灣地震會影響到我的~因為通常新聞講果d，
例如virus呀、server down呀果類通常我都唔會experience到~
估唔到今次影響到呢~
