16 Nov 2006 - Tropical Fruit World

朝早早餐後就出發去Tropical Fruit World啦，俾左入場費，見個tour未開始，
我地就係gift shop行下，試下野食試下野飲~十二點半個tour開始啦，我地上車，
架車載我地沿住佢地個tropical farm行，介紹那些果樹呀咁，仲有得落車摘黎食~
好多都未聽過未見過未食過的~~我地試到有隻叫star apple的生果，好味呀，
於是佢地摘左好多好多粒呀，因為冇帶膠袋，所以全部放左落我個袋度~
架車載到我地去河邊，就由另一位帶我地上船沿住河坐一圈，佢仲俾左好多包我地，
咁我地就可以餵鴨餵魚啦~那些鴨離遠見有野食，就施展水上飄呢~~好得意呀~~
坐完船，今次就轉坐火車，哇~好得意呀，係好似小朋友玩果種騎住坐既火車~
坐左一round，我地就轉坐另一架車，今次就係睇工作人員介紹各種生果，
而且仲有得試食好多好多生果~~yummy~最正既係佢教我地整avocado dip，
超好味呀，我地都每人買左兩枝野番去整呢~~去完個farm，我地就開車，
去Mt Warning啦，果度好似有個火山口睇架~不過我地開到車上去天開始黑，
行去火山口又要段距離，所以我地係附近行下就走啦~落到山腳，見有個garden好靚，
於是就落車睇下影下相~~

 

跟住我地就去Pacific Fair行下街，係Winnie不斷催促下買左件泳衣，又唔得買連身，
係都要買兩件式喎…我又唔想買咁貴既…所以揀左款唔係原先想買的style，唔緊要~
反正我都唔會就咁著，外面都實著衫架啦~哈哈~~買完野就再周圍行下，
買左杯野飲，我都叫左杯細啦，都咁大杯既，飲左好耐先飲完，係coles買完野，
就去meet Francis個friend，俾番本map佢~交完map俾佢個friend，
佢個friend話我地可以跟佢車，帶番我地出freeway~咁我地駕車就跟住佢啦，
但…咦…呢條街…唔係行過啦咩？呢條街又行過啦喎…發生什麼事？我地係…
同一地方轉左好多次…呀…不如我地帶路啦…但Winnie話怕會hurt到Francis個friend，
話哂佢地住Brisbane照理應該熟過我地…原本係咁轉我都冇所謂的…但…剛才飲左杯野，
我…好想去toilet呀，最後Francis都打左電話同佢地講因為我想去toilet，
所以都係各自走~唔…雖然覺得唔好意思…但我真係好想去toilet呢~sorry~

 

回到cabin，我地就煮dinner食~睇陣美女廚房沖埋涼就訓啦~