今日我地去Dream World玩，起身煮個早餐睇左段美女廚房後就出門啦~今日天陰陰咁，
睇黎會落雨呀~~不過落雨都照去啦，如果唔係冇時間去啦~我地去到先睇左個45min的片，
係講澳洲既生態等的~之後就玩機動遊戲啦~先玩些濕身既先啦~
我地玩左Thunder River Rapid Ride同Log Ride，第一個係有六個人圍住坐，
沿住人造急流左撞右撞，驚就唔會既，我怕濕身多些~哈哈~~原本以為唔撞到就唔濕，
點知有段路會噴水喎！之後又撞正我同Winnie坐緊果邊，我地兩個都濕左半呀~哈哈~~
跟住玩果個仲濕！我地見到每一個衝落黎既同濕左大半或濕哂喎！哇…我唔要坐第一呀！
最後我地差輸既坐第一，結果係Francis坐第一，跟住係我，之後係Winnie同Wing~
玩完大家都濕左半邊身~哈哈~~
跟住Winnie同Wing去玩跳樓機，哇！我唔玩呀…結果係得Winnie同Wing去玩，
佢地玩完落黎就close啦，因為行雷閃電又落雨，呀…咁呀…我地上車食個lunch，
等停雨再入番黎玩啦~我地係車食完野，就玩UNO打發時間，個多小時後停左雨，
我地又入番去玩，今次玩左The Claw、Cyclone及碰碰車等，哇，個The Claw真係…
十萬個驚嚇呀！離心力超勁，又耐喎，叫到我呀~~玩玩下又落雨喎，我地就衝上天，
雨就打落黎，好似鬥撞咁，雨水打落黎都有點痛~Winnie話我呢個都敢玩，
跳樓機我都應該冇問題，但…我始終都係怕跳樓機呢，無了期咁等，
然後突然下滑既感覺，我覺得都幾驚~玩完The Claw，之後玩果d都只係覺得少驚~
係果個Cyclone有點怕，因為真係feel到佢既衝力同反轉我地~雖然係驚，
不過都幾好玩~哈哈~~後尾我地玩個Vortex，咦…入到去，只係要貼住牆邊企…
玩乜架？開始啦，佢不斷咁轉，哇，原來…原來係咁玩既，因為佢轉得快，
所以個人會貼左係牆架，d人可以離地咁貼左係牆，正當我想拿起手，
隻手只不受控咁貼番係牆喎！哇…玩完落番地時頭有點痛有點暈呀~哈哈~~
到左玩碰碰車，佢三個一致話攻擊我喎，搞錯呀…我係唯一一個唔係driver…
都唔駛咁對我卦~~好在我醒，揀最後果架坐~哈哈~我撞佢地就差唔多~呵呵~~
跟住我地同條假鯊魚影相，搵左個工作人員幫我地，哇，呢個工作人員真真熱情啦…
我地原本只係想簡單地影一張，但佢就好熱情咁幫我地諗埋pose，影左幾張相，
呆左…佢仲叫佢三個抱起我，好似真係俾鯊魚食咁…唔…唔係卦…-_-
由於落雨，好多遊戲都停下開下咁，但我地都玩左好多架啦~至少刺激果d玩哂~
五點多我地就走啦，因為都預備close lu~今日好早就番到去cabin啦~~
咁早，我同Winnie及Wing就打算出去屋前既沙灘行去，Francis就唔去，話要沖涼~
行到出去，原來俾好多圍欄欄左，要行好遠先出到去呀，Winnie同Wing決定要爬出去，
哇！點爬呀！咁高！佢兩個唔駛幾秒就爬左過去啦…-_-佢兩個高就當然易啦…
我話佢地係馬騮黎架！佢兩個竟然話我係猩猩喎…十萬個無奈…好辛苦咁爬，
最後要佢地抱我落黎…都話我爬唔到啦…>.< 行到出沙灘，呀…原來都唔靚既~
普通一個灘，所以行左陣就番去lu，又要爬過…今次好些啦，佢地扶我跳落黎就得~
番到去，佢地係屋前個洗碗盤洗腳…咦…我都唔夠腳長，放唔到隻腳上去啦！
放唔到上去，咁咪唯有坐上去洗lor，佢地竟然偷拍video，呀！NO呀~但…
抗議無效…-_-
今晚因為早番，所以係屋前用個西式bbq爐煮野食，係屋外面食野，望住出面夜景，
都幾舒服呢~~yummy~~之後Winnie睇鳳凰四重奏，我地三個就玩大富翁~
