朝早訓醒…有點涼呀…琴晚熱，所以都冇蓋被，只係蓋了件外套，原本都想關風扇，
但琴晚佢地都話熱麻…都係唔好關啦，著番件外套再訓啦~~再訓醒時，
見到Francis關了風扇，Winnie亦剛醒了，佢話太好了，有人關風扇~~哈哈~~
原來我同Winnie一樣以為大家熱，所以都唔敢關風扇呢~~而Francis又以為我地熱，
所以半夜都冇關，只係今朝見我地著了外套睡先關風扇~哈哈~~
訓醒覺就要執好所有野，要check out啦~我地今日要開個多小時既車落Gold Coast呀~
我地既目的地係Movie World，入去玩之前，當然要食個早餐先啦~今日好好天呀~~
要塗下太陽油呢~~我地係Movie World都玩左唔少機動遊戲，有些都幾刺激的~
其中一個係室內玩，黑漆漆一片，坐係駕類似小型過山車的車上，又向前衝，
又會入升降機升上去，又會向後衝，又S字型咁不斷向下衝~哇，好勁既離心力~~叫到傻~
雖然驚，但好好玩~哈哈~~之後又睇左個Shrek既4D movie，哇，唔只有視覺同聽覺，
仲有感覺！當隻donkey打噴嚏時，前面既椅背會有水噴出黎架！咦…我凝住係鼻涕:p
之後睇到佢地入森林，有蜘蛛出黎，當那些蜘蛛掉下來的同時，前面又有風吹出黎，
佢做到個效果好似真係有蜘蛛掉下來，哇！嚇死我啦…雖然俾佢嚇一嚇，
但都真係幾好睇幾funny的~
之後我地都玩左其他機動遊戲，有個係會濕身的，但都唔係太濕，都ok啦~
仲有個好驚的，我唔敢玩呀，Francis見我唔玩又唔玩喎，所以得Winnie同Wing玩~
我地就係下面幫佢地拍movie同影相~我地又玩左個係吊腳的過山車，哇，好驚呀~~
因為係吊腳，感覺好似好冇安全感咁，但因為我除左眼鏡，所以都唔係太望到有幾高~
不過望唔到唔代表feel唔到，有親離心力我都實叫的~~哇，都唔知幾耐冇玩過機動遊戲，
仲要一次玩咁多呢~~雖然驚，但真係好好玩，我都玩左幾個過山車呢~~不過後尾Winnie話，
我唔敢玩果個跟本唔驚的，我敢玩既其中一個仲驚啦~但對我黎講，我見到覺得驚就唔玩，
覺得唔驚就玩，都幾主觀架，因為正如佢講，有些又拋又轉的仲驚我都玩，點解唯獨果個，
我會唔玩呢？這個我都唔知~哈哈~~之後我地又有同Batman影相呀，又睇左個真人動作片~
又刺激又勁呀~個真人動作片係警匪戰來的，好搞笑的~最搞野係佢地會邀請幾個現場觀眾幫手，
但原來係四個被揀選的人入面，有個係假既現場觀眾黎架~唔怪得佢之前坐坐下都會跌低啦~
突登既~~我地點知佢係假？因為那些"警察"居然要佢由二樓跳落黎喎！而且佢戲份又多，
好明顯佢係混入去做觀眾啦~真係俾佢地呃左呢~哈哈~~
我記得玩其中一個過山車時有個小妹妹喊住上去玩，佢媽媽係隔離陪住佢，
我地四個都懷疑係咪佢媽咪迫佢上去玩，如果係就真係可憐呢~佢玩完落黎喊得仲慘，
唉，點解要咁迫佢呀…又一個童年陰影呀~~
玩完，我地就去我地住既Cabin check in~哇~~好靚呀~~我地呢四晚住既屋好靚呢~
good~執好野，我地就去買野煮dinner，預備聽日lunch咁~十二點多一點左右就sleep啦~
