又一次入油，起身望到出面天光啦~我地就到Sydney lu~入完油，停埋一邊研究研究點行，
係佢地研究其間，我地架車間唔中都搖一搖咁，因為我地停係高速公路邊，其他車，
係開緊至少110，我話至少，係因為我相信大部分人都會唔多唔少speeding的~
所以每次有車經過都有點怕的~哈哈~~研究完就出發啦~差唔多中午時我地行既係山路，
哇~~好多電單車喎~唔通佢地刻意揀山路玩電單車？呢條山路開電單車都幾刺激既，
但亦都危險呢~因為好多S字位呀~行完山路就行番直直既high way~雖然話要坐廿個鐘車，
但係呢架車既後座都好寬敞，加上Winnie帶左兩個cusions，我地一人一個，
所以坐得好舒服架~~因為坐廿個鐘，我地都係著拖鞋，而後座又只係得我地兩個喎，
所以基本上點坐都得既~~哈哈~~坐坐下，有點無聊，我同Winnie就轉身伸手係車尾拿電腦，
咁就可以睇美女廚房啦~~哈哈~~但係要拿電腦都唔易，因為車尾full了，我地除左安全帶，
轉身努力拿出來，好似生小朋友咁，我地係到話就得啦，就出到黎啦咁~~搞笑~~
要開咁長時間既車，都唔可以只係睇電腦啦~因為唔夠電麻，所以就一定要聽住歌啦，
如果唔係，當個個訓覺時，司機就會超悶呢~所以我地帶左好多好多disc去聽呢~
有時訓醒都會傾下計既，我記得有一次，Winnie唔知同Francis傾開什麼，
Winnie講笑咁話Francis喎，開緊車既Francis居然…"搖擺"駕駛！哇，危險駕駛呀~~
嚇死我地啦~~
中午時我地開始餓啦，大家又唔想食麥記同Subway喎，所以就沿路搵有冇KFC，
或者Hungry Jacks啦~但…點解偏偏唔想要既咁多架…終於過左段時間，俾我地搵到KFC呀~
太好了~食完野，又開始我地既車程啦~原來NSW同Queensland兩個州係有一個鐘時差架~
所以我地開車過左NSW後就要較時間，係Queensland，時間同香港係差兩個鐘的~
八點多到左Brisbane啦~~yeah~~我地到左Brisbane第一件事當然係搵我地住既地方啦~
我地今晚係住backpacker，都預左backpacker唔係好高級啦，但…一開門…呀…
冇冷氣…Brisbane比較熱，加上我地搬完行李，熱呀~唯有開風扇啦~廁所差了少少咁啦~
不過只係住一晚only，so ok啦~因為晚黑約左Francis係Brisbane既friend食dinner，
所以我地要快快沖個涼就出去啦~房入面既toilet係冇得鎖的，所以入去前最好話俾大家知~
由於得一個toilet，我地又趕時間，所以女仔係房沖，男仔出外面public既toilet沖~
沖完涼冇耐，佢個firend到左，我地跟佢地車尾，去左唐人街一間餐廳食野~
食完野，佢地就帶我地係附近睇下夜景咁，之後我地就番去休息啦~
