大家可以想像下黃昏後嘅新蒲崗會點？假日嘅新蒲崗會點？一個慢慢被工業淘汰嘅新蒲崗，原來係黃昏後，假日會係好多人嘅新蒲點！
我噚日，就去左一幢工廈中，一個既可望住維港景，既可BBQ嘅地方，幫朋友慶祝生日！
BBQ嘅室外地方十分寬敞，只有一個爐，完全擁有一班朋友的私人空間。對住個維港景，都真係好HEA，好爽！
食物方面，有新奇的炭烤燒肉，炭燒薯仔片（可配牛油或盬），各種丸類，扒類。值得推介食物：
1）炭烤燒肉，烤完係燒肉皮，超脆！隔離朋友都聽到大家食緊脆皮。實不相瞞，我平時嘅飲食習慣係所有皮都SAY NO。呢一個，連我都忍唔住食左2塊。
2） 炭燒薯仔片，通常薯仔／蕃薯都係用錫紙包住煨。但呢度就切片。好似烤薯片咁。店主話等到金黃，就可以加牛油或盬。我們試左加牛油同什麼都沒有加。兩種不同味道，各有特式。
3）烤車厘茄。直接放上網烤，已經很美味。
據店主講， 會加入更多烤燒食品同飲品選擇，食品只要兩日前預訂就OK！保證新鮮。稍後還會加入CAFE同占卜，我相信，慢慢呢度就會係朋友與朋友之間嘅落腳點。
我們時常話要活化工廈，呢度正正係一個好例子，將已經丟空了的工廈，加入新原素，令已慢慢被遺忘的社區活化起來。
想知係邊，PM問我啦！
============================================
感謝 Mon 私家屋 提供以上資料
Mon 私家屋的網誌: http://welcometopmonprivatehouse.blogspot.hk/
============================================
