真是好久沒打柑B成長日記了~
近日柑B真是長大了好多! (雖然跟媽媽一樣都是babyface, hahaha! <- 這可是全文的重點XD)
柑B現在15個月, 居然有人問有沒有 7個月…
如果我37歲時有人問我有沒有 27歲就好了~ :P
小朋友的成長真是太奇妙, 常常做到一些意想不到的事!
所以我努力記下來, 因為我知道如果不記下來就很快忘記了。
說話能力:
基本上只會很簡單的單字。
不過都是奉行 NO FOOD NO TALK!
有野食就講咩都得, 無野食就間中先講下啦。
爸爸媽媽(同媽咪), 公公婆婆, 爺爺麻麻, 伯伯, 哥哥, 姐姐
bye bye
食
要
無
謝謝
奶奶
車車
花花
汪汪 (狗)
貓貓
波波
最中意講: 果個 (之後點我地去拎野)
有時我會坦白講: 哎呀! 媽咪唔明你講咩 ~ (HAHA)
有時我又會扮明: 哦, 係呀! 好叻 WO!
飲食
基本上是這樣子:
早: 奶
茶點: 麥皮/麵包/水果
午: 麵類
茶點: 麵包/水果
晚: 爛飯
睡前: 奶
![]()
不過柑B由細至大都麻麻地奶, 現在依然食3-5安XD
我也沒有特別去迫佢, 反正奶粉很貴! XD
記憶力
很好! XD
有時D野講一次佢已經好記得~
好似我地樓下間店有隻貓, 一差唔多行到過去柑B就會話: 貓貓 ~
有一次爸爸病左, 戴左幾日口罩。
之後好番無戴口罩, 點知柑B走去開櫃, 拎盒口罩出黎仲指住爸爸叫爸爸戴。
我真心覺得佢好叻XD
一上車就要拎我張8達通去嘟~
![]()
耐性
對比起其他 BB, 柑B 不算是太有耐性。
因為要佢坐定定基本上是沒可能的。
入形狀的玩具失敗了1,2次又沒心機再玩。
疊高高疊了一半又一手推倒…
![]()
之前去上course 都有講過, 1 歲左右的小朋友專注了一般是1-2分鐘。
所以也真是不能要求太多。
不過有朋友的小朋友跟柑B一樣大, 媽媽造飯時可以自己玩30mins, 真是好利害!
喜歡
最喜歡吃東西, 不是正餐唷!XD
![]()
![]()
大人吃什麼佢又要食, 我地稱之為乞食XD
![]()
最喜歡去遊樂埸
愛跑來跑去
愛sir 滑階 (不喜歡太BB的滑階, 要玩小朋友滑階)
愛肥皂泡
最喜歡看魚
喜歡看雀, 麻雀一飛走就會好失落咁話: 無
指令
愈來愈明白大人的指令 (當然, 做唔做又另一回事)
eg: 叫佢拎 d 野去丟, 放好d 野, 比d 野其他人, give me five, 握手, 舉手, 比之類啦~
感覺上亦愈來愈明白事理
之前去pg 試堂, 老師說的簡單指令都懂。
然後玩彩虹傘, 得柑B一個簡自己揚起彩虹傘。
我當然很驚訝, 老師都話柑B叻叻一我真係好開心~
有時夜晚我地唔帶佢番屋企過夜, 我地一走佢就會衝埋我度, 攬住我對腳, 有時又會拎個揹帶出黎又或者捉住我對手。
我都會同佢講: 今日唔帶佢番屋企啦。
佢會似明又似唔明, 有時會自己行開, 有時會好傷心o甘衝去爺爺度喊。
不過只要爺爺一拎零食, 佢又會好開心同我地bye
bye -_-
總覺得我們輸給零食了~
發惡
![]()
近日愈來愈惡c!
會大叫, 大喊, 打人。
佢一打人我就會捉住佢對手, 同佢講: 唔准打媽咪!
佢基本上好少打媽咪, 不過會打其他人。
但爺爺麻麻又當佢係玩o甘, 都唔知點好。
古惑
好多人都話柑B好古惑, 尤其佢成日奸笑。
古惑的B 是不是很可愛XD
在我心目中柑B當然是最最最可愛的啦~
雖然有點頑皮, 有點惡, 但在我心目中還是超級無敵的可愛!
之前我很有決心, 決定要轉工作。
不過細心一想, 這份工最大的好處就是可以隨時請假, 隨時請假遲到早退… 真是非常彈性…
所以又再心大心細了…
因為 BB 上學後可能要請假親子活動, 尼間公司就一定OK …
再考慮考慮吧!
然後, 雖然大家可能覺得很搞笑, 有時睇住柑B, 我就會諗, 好神奇呀, 我點會生得出一個o甘大的BB ~ (雖然出世是時小小的:P)
這張是我C6 捕捉到的一刻, 我們在玩自拍, 我很喜歡這張照片~
感覺像不像情人在自拍? HAHA ~
一路打, 真係好想鍚下佢呀 ~ 好掛住佢 ~
媽媽在準備包包, 柑B 踢踢腳, 慢慢享受 ~
============================================
感謝 宅柑愛扮靚 提供以上資料
宅柑愛扮靚的網誌: http://kimbb2012.blogspot.hk/
============================================
