當年認識WELEDA這個品牌,大概是從雜誌或者網上討論區而得知吧!!仲記得第一枝購入既就係IRIS DAY CREAM,之後因為姐姐既推介,我亦開始使用WILD ROSE系列,尤其最愛一粒粒既TREATMENT OIL,好濃郁既玫瑰香氣,冬天好喜愛使用呢...
身為用家既我,當然不能錯過首次參與WELEDA WORKSHOP機會...
不同系列既護膚產品..
不過若果你有了解過WELEDA,就知道它不單是出產個人護理用品,連家庭、嬰兒'、孕婦用品亦有,所以我對佢既成份好有信心
活動正式開始後,就由MRS. LILLITH SCHWERTLE作介紹..
WELEDA已經有90年歷史,更是環保既先鋒;一直致力於以不破壞生態環境,從天然資料中提鍊產品..
得到多個有機組織既認證,並且擁有自家田地種植,保證係有機種植..
今次既主角一: 紅石榴緊緻系列..
含有機紅石榴成分,具抗氧化、抗衰老功能,保護肌膚免受游離基侵害,激活細胞,減淡皺紋,緊緻肌膚...
紅石榴緊緻日霜 $450/30ML
抗氧化日霜,含有機紅石榴籽油及粟米籽精華,激活細胞,減淡皺紋..
質地好水潤,易推開而且帶有好濃郁既香薰植物味道,用後皮膚好有光澤感,觸感清爽..
紅石榴緊緻晚霜 $470/30ML
抗氧化晚霜,激活細胞,促進肌膚自我修復更新,減淡皺紋,緊緻肌膚..
比較杰身CREAM狀,好滋潤,用後皮膚更有彈性...
紅石榴緊緻精華素 $530/30ML
含豐富有機紅石榴成分,促進細胞更新,速效、持久補濕,減淡皺紋,緊緻肌膚,維持皮膚彈性光澤。皮膚測試證實使用30分鐘,皮膚水份提升39%。使用28日,皺紋減29%
GEL狀偏水質地,保濕同時帶有少許滋潤,用後肌膚水潤而且乾紋少D..
若果可以配合按摩手法,吸收同FIRMING效果會更加好..
主角二:金縷梅溫和潔面系列
溫和潔面乳 $240/100ML
含有機金縷梅、芝麻油、荷荷巴油、鳶尾根…等天然成分。溫和潔面兼卸妝,用後無繃緊感覺...
非常愛呢枝CLEANSING MILK,因為一抹上面已經聞到好香既味道,係天然植物香薰味,真係好正!!質地稀杰適中易推,用完唔乾好舒服,唯一缺點係個樽好難睇到仲有幾多..HAHA.
緊緻爽膚水 $240/100ML
含有機金縷梅、麝香玫瑰…等天然成分。徹底淨化油脂污垢,收細毛孔,均衡肌膚酸鹼值,令肌膚潔淨舒適..
