暑期足球班結束了

15 AUGUST 2014(FRI)

話說我同小小豬報名參加左暑期足球班，經過左九堂訓練之後(因為其中有一堂3號風球取消)，終於嚟到最後一堂啦~

其實比起初初(請按此)，小小豬明顯有一個大進步就係唔再扭眼瞓，每一堂都好精神咁去上堂(當然..間唔中都會見到佢上上吓堂打吹呵啦..哈哈哈)~

未開始上堂佢地兩父子玩吓先~

上堂時都好似好專心望住導師哦~

其實我覺得啲導師都好辛苦，帶住一班四、五歲小朋友，有時佢地又唔合作(當然係有小小豬份啦...唉)，所以都幾傷精神。不過我見佢地教嘅時候一啲都唔HEA，都好落力教每一個小朋友，所以都要俾個LIKE導師呀~

今堂熱身有新攪作，就係玩搶尾巴遊戲~

依個傻傻的小小豬唔識去搶之餘，仲企定定擺晒POSE等人地嚟搶，真係唔知好嬲定好笑呀~

今日仲同小朋友一齊比賽，不過小小豬成日都好似一舊雲，要導師教先識去追個波呀~

雖然上完十堂之後小小豬都仍然係一舊雲咁，見到個波都唔係太識追咁，有時追兩追就放棄企係度，但我覺得比起初時都已經有大進步，起碼叫做識規矩同肯參與，所以我都收貨啦！

其實每一年賽馬會青少年足球發展計劃都會舉辦暑期課程，所以出年我地都會再參加！由於課程實在太受歡迎，我地在場媽媽們都好擔心下年唔可以報名，所以最後導師就教左我地一個方法。

大約五月開始，香港足球總會就會推廣暑期班活動(http://www.hkfa.com/ch/load_page/298)，到時我地就可以網上報名。導師話如果我地見網上顯示FULL時，可以照樣下載報名表格，填妥之後連同支票寄俾佢地，只要佢地收到報名表格都可以安排到學位呀！

暑假班嘅結束亦都係另一個課程嘅開始，因為我地已經準備為小小豬報恆常足球班，等佢接觸多啲學多啲，同埋參加多啲團體活動，對小小豬嘅社交發展都會有幫助嘛！

MY FACEBOOK~


MY WEIBO~

 

MY E-MAIL~

 

 

其他博客區
※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※

※※ Cook 1 Cook 星級廚師 ※※