飲糖水

5 JUNE 2010 (SAT)

係上次產檢時，醫生已經幫我BOOK左今日去化驗所做血糖測試，所以今朝一早就同大肥豬向銅鑼灣出發飲糖水啦！

一上到化驗所，就即刻抽第一次血同留第一次小便，之後姑娘就俾左杯有75G嘅萄葡糖水我飲啦~

講真係未飲嘅時候都好驚，因為有啲準媽媽話甜到嘔左左出嚟，所以我望住杯糖水嘅時候都有猶豫左一陣，最後都鼓起勇氣開始飲第一啖。

飲落又唔係想像中會飲到嘔咁難飲，只係覺得勁甜同飲完之後覺得喉嚨唔係咁舒服咁，都可以接受呀！

之後就我地就落街行咗一個鐘，依個時候就陪大肥豬去食早餐。由於我個測驗未做完唔可以飲食，所以只好睇住大肥豬食嘢。

等到夠鐘就再上化驗所去抽第二次血同留第二次小便，完成後又再落街行一個鐘，再上去抽第三次血同留第三次小便。

終於都可以完成晒成個測試，換嚟嘅就係兩手針口啦~

抽三次血分別係左手抽一次，左手抽兩次，雖然係抽左三次血，但都唔算好痛，仲冇瘀添，所以話都係私家好呀！

報告要等到下星期二先出到，希望一切正常，我可以PASS到個TEST，咁小小豬就可以健康咁繼續生長啦！