21 JUNE 2010 (MON)
等左三個星期，又係時候去做產檢啦！
入醫務所第一時間當然就係要磅重，係我心驚驚嘅情況下上磅，雖然今次都係重左三磅半，不過係三星期重三磅半已經係算達標之餘，仲多左半磅添，聽到真係勁開心呀！
第一時間見到醫生就問個肚仔問題，因為我成日都覺得自己個肚仔算細，怕會有問題，不過醫生話我個肚仔唔算細係正常，太大反而唔好，聽到咁講都放心啲。同醫生傾計左一陣，就去見照超聲波見小小豬啦！
係照超聲波機見到小小豬真係大過左好多，醫生話都生長得好好，個頭仔都係正常情況下繼續向下。當度腳仔、肚仔同埋腳仔時都比預產期周數大。聽到醫生咁講，真係勁開心，放心晒呀！
三星期後就再去覆診，希望到時我同小小豬都KEEP住向好方向繼續啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
