26 DECEMBER 2013(THU)
今日係BOXING-DAY,雖然之前收嘅禮物都已經拆晒,不過就等我依今日出返個感謝篇,多謝一班有心的親友啦!
其實一早都同左大肥豬講唔洗送禮物俾我,不過剛好我個超級偶像SAMMI係聖誕新碟,所以大肥豬就買左俾我做聖誕禮物。真係一隻勁期待嘅CD,等左聽SAMMI新碟都都差唔多四年,終於有新碟聽啦...YEAH~先講我送咩禮物俾小小豬先,就係一件好靚好得意嘅DUFFY背心。下次入迪迪尼一定要著住影多啲相,真係實在太鐘意,勁期待小小豬著上身呀~
送禮物俾我地當然唔少得小豬媽,佢送左好幾份禮物俾我同小小豬呀!
我依個勁怕凍嘅人,天寒地凍最啱飲薑茶,小豬媽買左一盒俾我做聖誕禮物,即刻暖入心呀~
其實仲有小豬爸俾左封大利是小小豬(唔記得影相添),等我地自己買禮物。我地都已經計劃留嚟買多啲圖書俾熱愛睇書嘅小小豬呀!
除左屋企人,都有一班好好嘅朋友送禮物俾我地呀!
首先就係由紐西蘭搭飛機嚟CREAM,多謝VIRGINIA(依份其實係我今年收嘅聖誕禮物嚟呀)~
係度再一次多謝大家對我同小小豬嘅厚愛!
今年因為聖誕前我都勁病,攪到都冇太多時間為各好友準備禮物,所以有啲禮物我都未寄出,真係唔好意思添(希望好友們唔好怪我啦)。 不過,我會盡快將我所準備好嘅禮物加碼寄出,當係2014禮物啦!
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================