26 JULY 2013(FRI)今晚我又留低佢地兩父子係屋企，一個人去街街，目的就係同我嘅好友CARMEN車人食生日飯啦！
講起依餐生日飯都真係唔好意思，原本CARMEN係月頭生日，但到月尾先可以同佢食生日飯，都真係唔係幾好。冇辦法啦....月頭CARMEN又已經有幾個定好左嘅約會，到月中我又有事唔得，所以要到今日先可以同佢慶祝呀！
因為我要等大肥豬放工返嚟睇住小小豬先可以出去，所以CARMEN就我，去比較近我嘅MEGA BOX。
就係咁，我地今日個慶祝晚餐就去左IKEA食啦！平時去IKEA都係食下午茶多，食晚餐都係第一次，所以第一次係IKEA食到成枱餸，好在滿足感呀~
![]( "IMG_2048")
我嘅主菜....羊鞍扒，我覺得又幾好食，可啲都唔"騷"，不過就係難切啲~
![]( "IMG_2050")
CARMEN嘅主菜...牛柳~
![]( "IMG_2054")
每次嚟IKEA必食嘅~
因為馬肉風波，所以停左一段時間嘅肉丸回來了，不過因為係牛肉整，所以我冇得食，但依個係CARMEN至愛嚟，揀嚟IKEA食都係因為佢呀~
新出嘅芝士波都幾好食，不過原來個汁係好辣，我第一啖唔知點左好多汁，真係辣C我呀~
![]( "IMG_2051")
其實我地揀係MEGA BOX食，除左就我之外，另一個目的就係去影POOH POOH呀~
![]( "DSC08316")
原本以為我地咁晏去影唔會太多人，點知原來都仍然有好多大朋友小朋友係度影緊。冇法啦...因為啲公仔實在太可愛啦~
![]( "DSC08337")
其實九樓仲有一個Q版佈置，不過我地行去上去時就剛剛欄左冇得影~
![]( "DSC08363")
唔緊要啦，下次有機會就帶埋小小豬嚟依度影過啦！
CARMEN又請我同小小豬食零食啦，真係啱晒我地兩隻為食豬呀....哈哈哈~
![]( "IMG_2062")
有得去街街，食好嘢又影靚相，真係開開心心又過左一個晚上！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
