22 DECEMBER 2012(SAT) 影完CHOCOLATE RAIN之後，糖糖同小肥肥就去行一陣街街，我就返屋企做個小準備，等佢地嚟屋企繼續玩。
其實除左佢兩個之外，我仲邀講左我個同學仔CARMEN一齊上嚟，因為聖誕將至，約班朋友仔上嚟玩吓、開開心心聚吓嘛！(其實係想叫幾位姐姐嚟俾小小豬玩呀...哈哈哈哈！)
未開餐之前當然係等小小豬同幾位姐姐玩吓先啦！睇吓個傻仔有咁多人陪玩得幾開心~
![]( "DSC03091")
玩嘅時候我就準備小小自家餸，就係光波眭翼啦！不過今次我係用黑椒嚟醃，個味道都唔差呀~
![]( "IMG_0811")
開餐啦！邊食邊講笑真係幾開心呀~
![]( "IMG_0846")
正餐之後，就有CARMEN為我地準備嘅甜品...YUMMY~
![]( "DSC03059")
就係依個時候，小小豬就發生左件奇怪事。當我地打開啲甜品係度不停影相嘅時候，小小豬一見到啲甜品就突然拍手好興奮咁唱生日歌，我又冇教過佢唱，佢地學校又冇攪生日會依啲活動，所以大家真係好奇怪咁點解佢會識唱呀！見小小豬唱得咁興奮，大肥豬都破例俾佢食少少啫喱呀~
![]( "DSC03072")
食飽飽又再繼續玩啦~
![]( "DSC03087")
仲彈手歌仔娛樂大家添(當然係亂彈啦..哈哈哈)~
![]( "DSC03090")
睇吓個傻豬仔幾痴糖糖，佢自己主動坐係糖糖大脾一齊玩呀~
![]( "DSC03097")
![]( "DSC03092")
哈哈哈...話明係聖誕節，當然唔少得我同小小豬收禮物啦！
多謝CARMEN送俾我嘅好味朱古力~
多謝CARMEN送俾小小豬至愛嘅MICKEY~
多謝糖糖，依件衫仔可以話係我老笠嘅，因為係糖糖今日行街街買，係臨走時拎出嚟俾我睇吓，就係咁俾我笠左...呵呵呵~
糖糖仲送左個可愛帽仔俾我，不過...已經係入落小小豬名下。因為平日唔愛戴帽嘅小小豬，竟然愛上依頂帽~
糖糖送俾仔仔玩具，個傻仔兩樣都好鐘意，尤其係部BB車，真係勁愛，仲成日推住周屋走呀~
多謝小肥肥送俾小小豬嘅玩具~
仲有我踲禮物，其實個MARIE包包係之前已經收到，應該係我第一份聖誕禮物嚟呀~
![]( "DSC03125")
就係咁，我又過左一個開心嘅晚上，希望另外三位朋友仔都一樣玩得開人啦！等新年嘅時候又再上嚟玩過，到時我地一齊打邊邊再開心過！
**我的微博..關注吧**
![]()
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
