尋日我地四個人離開左鯉魚門之後，就去食晚餐。不過我地唔係留係鯉魚門食，而係去就嚟拆既牛頭角下村。
之前都冇乜心水諗食乜，不過有一次我睇開OPEN RICE，見佢有個牛頭角下村專輯，於是就CLICK入去八卦吓，見有一間有好多人都讚好，所以我地個晚餐就係去左..............九座嘅金利來食坊啦~
唔知係唔係就拆嘅威力，我地去到都係六點十左右，不過都已經要排隊啦！
等左一陣就有位，可能我地幾個都影到餓餓地，所以一埋枱就即刻點餸。
第一樣嚟嘅就當然係凍飲啦，唔知係唔係大肥豬成日都影得勁攰，所以今次佢竟然主動叫左支啤酒，真係....好少見佢飲啤酒，好在有大M幫手飲啲~
起菜啦......
椒鹽鮮魷拼九肚魚
蒜蓉炒豆苗
蠔餅
鹵味拼盆
芝士焗扇貝
整體上啲野食都真係唔錯，碟碟好好大碟，個味道仲唔差添。尤其係個蠔餅，真係成塊面咁大呀！哈哈~~~
個服務就真係差左少少，尤其係有位樓面姐姐，都真係惡惡地呀！不過...依啲大排檔服務都係咁啦...算啦，最緊要食得開心嘛！
四個人都只係食左二百幾，都真係幾抵食呀！今餐我地都唔好意思，因為要M&M破費添.......多謝晒！
我地一齊出去影相.....一齊食飯都真係玩得好開心，希望佢地都一樣玩得開心啦！
哈哈~~下次再繼續一齊去玩...玩....玩....影...影....影呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
