22 JUNE 2009 (MON)
哈哈...又嚟到今晚食乜餸嘅時候，睇吓是日晚餐~
首先就係一碟腐乳炒通菜，第一次煮就當然失敗左，炒到黃黃地兼冇乜腐乳味(不過都總算可以食入口)。唉....唯有下次再努力啦~
接力嘅有瑞士汁雞翼，第一次用瑞士汁嚟卥雞翼，甜甜地又幾好味~
最後依個新嘗試，就係瑞士汁腸仔~
事緣早排大肥豬冇端端話如果下次整開鹵水雞翼，就放幾條腸仔落去一齊煮。
就係咁..我今日煮雞翼時放多幾條腸仔煮。開頭我都冇話俾大肥豬聽，當佢一見到依碟驚喜嘅瑞士汁腸仔時，佢個樣真係勁開心，又不停咁讚我乖乖。
哈哈..原來幾條小小嘅腸仔就已經令大肥豬咁開心，等我煮多幾次，等佢開心多幾次先得！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
