依排我都好乖乖咁成日都煮飯仔，因為我識煮又煮得好食嘅唔多，所以次次煮都諗一陣先知煮乜好。
煮左幾日中餐，都係時候整啲新花款，所以今日就整左個意粉餐。哈哈...都幾豐富呀~
個肉醬意粉我好比心機整呀，我係用新鮮豬肉同蕃茄整呀，大肥豬都話好食。不過我自己就覺得個汁就整得少左啲啲，下次一定會再更加好味呀~
除左個意粉，當然唔少得整啲雞翼啦~
一向我都好怕煎嘢，好怕啲油彈上身，都幾痛呀！不過冇理由怕左而唔去做，所以最後都決定煎雞翼。
真係冇講錯，煎雞翼真係彈油彈到飛起，仲彈到落手度，真係勁痛，依家都紅左呀！
係我邊叫救命邊煎雞翼嘅時候，大肥豬就走左入廚房，搶左我個鑊鏟.....於是就由大肥豬煎埋下半場，所以話依碟煎雞翼係我地兩個嘅合力傑作，所以特別好食呀...哈哈！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
