今日我又好乖乖咁，放工之後就去街市買餸，煮我依個是日晚餐，整左黑椒雞翼同節瓜粉絲丸丸湯~
簡簡單單咁....不過都唔錯，仲整埋做我明天個便當添。
不過，今個晚餐嘅主角並唔係依兩個餸，竟然係.........
其實依五盒士多啤梨係我今日行街市時，路過生果鋪時，見到有好多太太都圍住睇，以我一個師奶仍仔心態，當然又去八卦下啦！
原來佢地個個都搶緊一份五盒嘅士多啤梨，我見咁抵，加上人買我又買嘅情況吓，我當然又走去買一份啦！(我唔係搶呀....我係好斯文咁拎去俾錢呀...哈哈~~)
食完飯之後，當然就係食生果時候啦！
唔好睇佢平平地，粒粒都好鮮紅，仲好香士多啤梨添，食落都好甜，好好味....簡直係又平又正呀！
大家估下依五盒士多啤梨幾多錢呢？真係抵到你唔信.....一份都只係$10，冇錯....真係$10，即一盒都係$2。咁抵...問你點樣唔買番份返屋企食呀！
我記得以前士多啤梨都係屬於貴價生果，最平都要幾拾蚊先買到。不過唔知點解會咁平呢？平得嚟又唔係差哦。
我都幾鐘意食士多啤梨，所以趁依家平平地，買多啲嚟食先得。
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
