23 OCTOBER 2012(TUE)
如果大家好早就已經開始睇我個BLOG，都知道我恨左買部可換鏡頭傻瓜機，不過一直都因為覺得我地已經有兩部單反(一部初階/一部中階)，所以都好似唔多需要，因為平日都多數用IPHONE影，如果出去玩就一定同大肥豬一齊，咁都係用單反，所以一直都只係得個想字。
不過....直到上次同CARMEN入迪迪尼黑色世界時，發覺我部傻瓜機已經C吓C吓咁影唔到嘢，加上部初階單反又開始唔多聽話，快門好似唔多足夠嚟影小小豬(因為依個小小豬啲動作實在太快，成日都OUT FOCUS)，所以又係時候要考慮買俾相機仔俾我用啦！
今日返到屋企就見到大肥豬買俾我嘅禮物，我想買好耐嘅新相機呀~
![]( "IMG_8102")
係我想買左好耐嘅SONY NEX-5N嚟呀~
![]( "IMG_8103")
真係超級開心，依部機賣點就係快，對焦快...連拍快...總之就係快，用嚟影小小豬就一定冇走雞。我試過部機，真係好快，擦擦擦咁就話影左十張，所以真係好啱用嚟影成日周身郁嘅小小豬呀！
不過，我仲未有時間研究部機，但我見好多BLOGGER媽媽都係用依部機影左好多靚相，希望我都可以一樣影得咁好啦！
**我的微博..關注啦**
![]()
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
