15 DECEMBER 2011(THU)
今日大肥豬返到屋企，即刻俾左一個BIG SURPRISE 我，就係買左今期Steady雜誌俾我，因為係送Agnes.B大袋呀~
![]()
![]()
![]()
![]()
其實依個袋我都係今日下午係BABY KINGDOM見有媽媽分享我先知出左，當時仲考慮買唔買好，打算放工先去OK便利店睇過先決定。不過放左工就已經冇左件事，唔記得左個袋件事，一支箭咁飛左返屋企。
我之前都冇同大肥豬講出左個新袋，更加冇同佢講過話考慮買唔買，所以真係估佢唔到佢會買嚟效俾我。一嚟大肥豬一向佢都唔鼓勵我買雜誌袋，佢成日都話買買埋埋咁多都足夠買個好好地嘅靚袋。二嚟佢都唔會留意平日啲雜誌，就算連啲八卦周刊佢地唔會睇，所以佢識得買依個新袋都真係好SURPRISE。
哈哈…雖然只係一個小小嘅雜誌袋，不過真係超級開心…仲有啲感動添！
多謝您..老公大人！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
