依排因為開始轉季關係，所以好多鋪頭都做左清貨大平買。有時候見到咁低，都好難抵受引誘，所以都間唔中入左啲貨。
次次當我俾啲新衫大肥豬睇時，都會話我買買埋埋好多衫，佢就個櫃桶空空咁。言下之意，即係話我成日都買衫俾自己唔買俾佢呀！哈哈...其實我唔係唔想買俾佢，只不過依家好少男裝鋪頭做減價，買唔到嘛！
今日放工如常同小豬媽TEA完之後，見時間仲早，所以就行吓商場，因為小豬媽想買幾件TEE返工著。
就係依個時候，我見到有啲POLO恤做大減價(大肥豬好鐘意著POLO恤)，男女裝都有。見咁抵又可以襯到一SET，再加埋小豬媽嘅VIP折扣，真係好抵呀，所以就左一SET啦！
一返到屋企就即刻俾大肥豬睇，好在佢都勁鐘意，仲叫我有時間買多幾件俾佢。哈哈~~佢好少會主動叫我買衫俾佢呀！
佢當然鐘意啦，尤其見到我都有買嘅時候佢就仲開心。因為我係唔太鐘意著POLO恤，基本上都係冇著過。大肥豬都成日叫我買依啲衫嚟著，係我一直都唔彩佢！不過有時候都要逗吓佢開心...
當我話係情侶裝時，佢個反應就話....唔係情侶，應該係夫妻裝呀！(真係俾佢激親呀~)
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
