熱辣辣的迪迪尼

今日我地又去左迪迪尼啦.....今日個天氣真係勁熱，不過熱還熱，對於一名迪迪尼FANS嘅我就非常開心，因為都有成個月冇入去玩，好掛住呀！不過大肥豬就辛苦D，因為FEEL都佢好熱，仲變左個水人呀！

一入到迪迪尼，第一時間就去左CITY HALL去拎屬於我自己嘅生日襟章。

拎完個襟章之後，我地就去左大街精品店買嘢。因為大肥豬話會送MARIE帽帽俾我，所以我地就去左買，作為我另一份生日禮物啦！

買完MARIE帽帽之後，我地第一站就係去夢想花園同公仔影相。依個就係我最鐘意嘅節目，好在都唔係太好人，平均一隻公仔都係排十五分鐘左右啦！

去完影公仔，因為好多GAME都勁多人排隊(係好多內地人呀)，所以我地都冇玩到，四周圍行吓影相咁啦~

係城堡前面開始有D佈置係FOR奧運活動啦~

我地又係城堡附近見到皇子同灰姑娘，原本都唔打算排隊影，不過我又未同過皇子影相，所以都係要排隊影吓先得。

等到夠鐘，我就利用左我個生日FASTPAST去睇獅子王慶典，有生日FASTPAST真係唔同D，我地係第一個入個表演場地，仲任我地坐位添。我地係坐第一行關係，加上之前又好耐冇睇過，所以個SHOW好精彩，好好睇呀！

今日天氣真係好熱，我地一見到有精品店就即刻入去，其實係想涼吓冷氣，所以我地係精品店影嘅相係最多。

因為太熱啦，見到大肥豬都熱到冇晒心機，所以我地四點幾就走人啦！不過大肥豬話過會等天氣冇咁熱時就再同我嚟，到時就任我玩！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================