經過一番頭痛咁安排，終於都初步編好左婚宴當晚嘅座位安排。
原來攪依樣野都真係好煩，又要顧及邊批客人較熟坐埋一齊，一係就FRIEND嘅人太多，要分枱坐，咁又要諗抽起邊個好....真係好煩呀！不過好在都可以講暫時安排好，咁都好少少~~
食完飯就同小豬媽去左吉之島拎番張龍鳳被同買野，我就買左套靚靚睡衣，同一D內衣褲，等我新婚後著。
番到屋企又開始執野大行動，因為要執定一D日用品等大肥豬幫我拎去奶奶家。雖然係暫住一個多月左右，都唔諗住拎太多野去，費是搬來搬去。但執執吓...又執多左一大袋(之後已經拎左一盒衫)，都唔明白點解有晒多野。
一邊執野，我就有開始少少驚，驚並唔係因為大日子就到，而係好驚婚後需要改變自己嘅生活方式，仲要去另一個環境住，真係怕會好唔習慣呀！雖然大肥豬已經講左會盡量就我，但都總係會驚驚地.....希望自己可以好快習慣啦！
我們的婚網~~ http://www.darizi.com/hk/blog/yanyan_hinghing/
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
