前幾日收到酒樓打電話嚟話我地D帖已經整好晒，不過因為中秋關係，我地冇時間去拎，要等到今日先有時間去拎，所以就同左大肥豬、小豬媽一齊去拎啦！
一去到酒樓睇到自己D帖，第一時間就睇清楚入面D細字有冇錯。因為我真係好驚對錯，張帖有乜問題呀！我地三個人每人睇過一次，好在完全冇問題，真係放心晒啦！
不過原來佢地係唔幫我地入埋張牛油紙入帖度，所以我地係要加工呀~~(可能係酒樓送關係啦！)
所以一返到屋企，我地就好心急開工啦！
睇下我地D帖~~
靚靚牛油紙內頁，真係估唔到張相都印得幾靚哦！
經過小豬媽同LULU妹嘅幫手，我地四個人好快就將D牛油紙套好晒入帖啦~~真係勁快手呀！(其實係我地心急。哈哈)
依家套好晒D帖，不過又會開始忙忙地，因為要打信封、入回禮利是同餅咭。
雖然十一月初過大禮完先可以派，不過襯依家有時間整好，可以唔洗到等到時忙嗰陣整嘛！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
