探險家攻略 > 冇乜人嘅金都

冇乜人嘅金都

由小肥豬於 2006-12-27 00:00:00 發表 | 累積瀏覽 625

分類：

尋日，我同大肥豬去左旺角行街街，點知行完之後，佢竟然問我去唔去金都行吓。

因為佢成日都話唔洗咁早準備，最快都叫我過左年先再去搞......所以我當時都真係幾突然嫁！佢叫都我當然好樂意去行吓啦~

今次我地主要目的就去睇婚禮攝影，因為我地到依家都未真正去睇過，只係知道依樣係其中一樣好重要嘅野。其實我見有好多姊妹婚期比我還耐，都已經BOOK好晒，我都真係有少少擔心同心急呀！

唔知係唔係假期關係呢？成個商場都好少人，行得都比較舒服........起碼唔洗同人迫，仲可以一間鋪睇好耐呀！

我見一間婚禮攝影嘅傳單就取一張，唔覺就已經成大袋啦~~真係利害呀！

行到一間叫『新婚天地』嘅公司，大肥豬俾佢地SHOW出嚟嘅相簿同相吸引住，個位年輕人又不停SELL佢，我遠睇都真係覺得好好笑呀！後來我地直頭坐係度聽佢介紹同睇D版，都真係唔差呵！

不過佢地主力SELL數碼相，仲話可以根據你擺酒圍數俾一個價錢任影，仲幫你執相....加上佢地送嗰本相簿又真係幾靚，同埋個位年輕人又好似幾老實，講開佢又話仲話佢地有幫皇延酒樓(即我地擺酒嗰間)做場地佈置同進場DVD。

我地又叫佢送多D野俾我地，佢都答應….其實唔係在乎佢送乜俾我地，我覺得係個過程，我地都好愉快，對依間公司有多少少信心。

大肥豬對依間公司少少信心，我地都幾滿意.........睇可仲有冇其他更好啦~~

我都有係新婚易睇過依間公司的口碑，雖然唔係好好人俾意見，加上好壞都有…所以都真係有少少心大心細呀！

不過諗吓…真係好睇吓你好唔好運氣同夾唔夾個攝影師傅。有時人地話好，真未必合你心水，所以都真係幾煩呀！

留言(5) | 引用(0)

[5]

有時聽得太多人既意見反而仲煩, 最緊要自己覺得ok, 當然太多bad comments就要諗清楚喇~

[引用] | 作者 Lui | 22nd Oct 2013 | [舉報垃圾留言]

[4]

睇下有無熟朋友介紹會比較好d wor..因為有朋友試過,信心會好d甘lor...

[引用] | 作者 SkyBlue | 22nd Oct 2013 | [舉報垃圾留言]

[3]

我book咗AG, 當然唔係Grace啦, 所以我都有d擔心, 就係因為係esd睇完d唔好嘅comment, 有時睇得太多真係會好煩

[引用] | 作者樂樂媽 | 22nd Oct 2013 | [舉報垃圾留言]

[2]

esdlife好多comment都好壞參半, 真係越睇越亂, 不過唔睇又乜都唔知~_~

[引用] | 作者 Ziv | 22nd Oct 2013 | [舉報垃圾留言]

[1]

哥哥姐姐: 爸爸話給你地小小意見,婚禮當日攝影師父,最好叫攝影公司自己老板做(如可以的話),如果你地結婚當日是"大好日"的話,好的師父一早比人book 左,好多攝影師父都是做parttime,包括爸爸都是.一生人一次,要影好d呀. 如可以記得叫師父d飲茶,酒樓(食魚翅後祝酒),送客d相影少d(因為好多都是不會晒比人的相).影多d自己,親人和朋友

[引用] | 作者 edmond | 22nd Oct 2013 | [舉報垃圾留言]

» 我要回應

個人資料