今日我去左揀衫，成個過程都好順利，我好開心。
佢地婚紗都OK，我開頭都揀左成八套去試，都有幾件要考慮，都諗左好耐先決定。但係D晚裝就真係......好唔得，我連揀去試都揀唔到三套。最後我揀左2件婚紗(袁彌明坐木馬嗰件，同埋一件係小公主型的婚紗)仲有1件晚裝(袁彌明著過桃紅色嗰件)。嗰幾件都著得我好好睇嫁，手臂又唔覺好粗。媽咪同大肥豬都話我靚呀!
幫我試衫嗰位小姐 - LING，佢好好心機幫我著婚紗，每著一件佢都同我解釋件衫既特點，又俾D意見，話我邊件好D。
我之前酒樓咪送左張COUPON俾我，但又賣唔出啦~哈哈~~有好消息呀。我帶埋去睇吓可以叫佢送D乜俾我啦~點知LING話如果我加$816，就可以有COUPON內油畫、8R大相兩張及12張4R相(連相底)。我地計過數，都OK合理，可以慳番唔少呀!
不過，有一樣嘢係失敗左，就係我偷影唔到相呀!算啦~留番我嗰日著埋婚紗，化好妝先實行我個偷影大行動啦~
好心急呀!好想快D到嗰日啦!依家我真係要開始地獄式減肥，到嗰日希望可以著得再好睇D。
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
