0

小小豬的第一次@魔雪奇緣

小肥豬 於 2014-01-04 00:00:00 發表  |  累積瀏覽 455

分類:

30 DECEMBER 2013(MON)

今日可以話係小小豬嘅新嘗試,亦都係我地三口子嘅第一次,就係一齊入戲院睇魔雪奇緣啦~
Picture

其實自從上次參加過"FROZEN"活動之後,我都已經好想去睇,仲打算同大肥豬搵日拍拖去睇。正當我地PLAN緊幾時去睇嘅時候,就收到迪士尼公司送俾我地三口子嘅換票証,就係咁...我地就決定帶埋小小豬入場,等佢可以感受吓睇電影啦~
Picture

冇錯...小小豬咁大個仔都係未入過戲院,因為大肥豬話睇電視會影響學習,所以我地由小小豬返學之後開始,平日係屋企都唔會開電視俾佢睇,所以又點帶佢入戲院呢?不過,大肥豬話既然有依個機會,都可以試吓帶小小豬去睇吓,所以我地三口子就今日去睇戲啦!

原來我地張換票証係可以換3D場次,不過始終都係小小豬嘅第一次,所以就簡單啲睇2D啦~
Picture

成套電影都好緊湊,中文版配音又聽到好好笑,勁鐘意小白呀!啲動畫真係畫得好靚,我印象最深就係嗰個城堡,真係靚到好似真實咁呀!我都有一位朋友睇左3D版,佢話係睇嘅時候會見到好多雪花,令人覺得真係處身雪地。真係有啲覺得可惜冇睇3D版,不過為左小小豬冇計啦!

另外,我覺得成個主題都好好,因為依套動畫係帶出一個好正面嘅姊妹情。依個題材可以更加令我地觀眾有多一份代入感,令我地睇得更加投入。(大家唔好誤會,我同LULU妹感情都幾好呀!)

我覺得同一般迪士尼電影有少少唔同就係,整套電影唱歌部分都佔左好大篇幅。雖然我係睇中文版,不過我都覺得每一首歌都好好聽,尤其係初後兩姊妹成長之後隔著門嗰一首(請原諒我唔係好知道首歌名),我都聽到好感動呀!唔知迪士尼會唔會考慮出原聲大碟呢?如果係我一定會買返隻呀!

就係因為成套動畫都係有歌仔聽,小小豬又係好鐘意歌唱嘅小朋友,所以小小豬都睇得好投入,冇扭計又冇驚個環境咁,都算佢乖仔啦!睇今次小小豬嘅表現,真係可以考慮再帶佢入場睇戲啦!

散場時見到小白,小小豬話要同佢影相呀~
Picture

整體上我都好鐘意睇,所以都會推介俾各位朋友仔呀!另一樣值得留意就係,播前加映短片《米奇拯救米妮大作戰》都好好笑,所以大家去睇時記得要準時入場呀!


============================================

感謝 小肥豬 提供以上資料

小肥豬的網誌: http://kinseymama.mysinablog.com/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 1220574

全部攻略 2870

全部回應 678