1 DECEMBER 2013(SUN)
終於嚟到今日最後一個節目，再一次多謝 WESAHAREHK送我地入場卷，等我可以入場睇Yahoo Buzz Awards 2013，個位仲好正，勁前呀~
WESAHAREHK嘅PR姐姐好細心，送左三張入場卷俾我，等我地可以一家三口去睇SHOW。
不過，因為小小豬一朝早就返主日學，之後我地又入左海洋公園玩，小小豬嘅體力都已經冇晒，所以就臨時拉左我兩個好友"糖糖"同"車人"陪我入場睇呀！
今日個SHOW係由森美同胡蓓蔚做MC，我都係第一次現場睇森美，不過佢真係勁攪笑，又可以帶出個氣氛，總之有佢係度就冇悶場啦~
其實今日總共頒左成六十幾個獎，係度我唔續個講啦，如果大家想知道邊啲歌星拎到奘，就去以下網址睇啦：http://hk.promotions.yahoo.com/buzz2013
同大家分享吓我嘅小小深刻地方啦！
第一個得獎者係梁漢文呀....曾幾何時我都好鐘意佢呀，仲好記得有一次去睇SAMMI個MINI SHOW，佢做特別嘉賓，身穿白色西裝唱住纒綿遊戲時，嗰一刻真係好型呀..哈哈哈~
GIN LEE都有得獎，我好鐘意聽佢唱歌呀，不過今日個打扮好似出出地事，攪到好似肥左啲啲添~
狂舞派拎左好多個電影獎，戲入面啲舞蹈員為我地表演，真係好正呀，等佢出DVD時一定要買返嚟睇呀~
另一個得獎者係沈震軒，估唔到佢只係一個藝人，但都唱得兩咀，佢首歌又幾好聽。不過...講個秘密俾大家知，原來"糖糖"係好鐘意佢呀，一聽到森美講沈震軒得獎，佢興奮得尖叫呀...哈哈哈~
今日第一個攪笑位，就係彭家麗拎到合唱歌獎，當然那位王主席係冇到場，不過就有另一位男士扮王主席，仲扮得幾神似，真係笑C左我地呀~
YEAH...FRED拎左人氣票王獎，不過佢唔係香港，所以冇得現場聽佢唱歌添~
翠如BB呀，佢同洪永仁拎電視獎，佢地電視獎，佢地兩個原來都好攪笑呀~
全場另一個攪笑位，就係杜汶澤出場，佢先代阿田拎電視女藝人，之後就自己拎個人獎，佢語出驚人，所以一出場大家都笑唔停啦~
全晚最瘋狂、最興奮就當然係佢嘅出現，Running Man嘅金鍾國呀~
坦白講，我都好似冇乜點睇過Running Man，所以對佢都唔太熟識，不過見同行兩位好友一見到佢都勁HIGH，相信佢都係一個勁人物啦！
開開心心又過左一晚，希望下年都可以有機會再參加依個活動啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
