1 OCTOBER 2013(TUE) 今日有一個重要任務俾小小豬，就係將小小豬變成一個大廚，整好味又易整嘅三文魚蟹子飯團呀！
因為早前得到PR姐姐邀請，請我地試食一款珍珠米，就係優質嘅日本米之王者 - JA新潟越光米米(免洗米)~
![]( "DSC00693")
原來依一款日本米係大有來頭，由日本政府轄下農業協會經營，白米從研究、培植至生產都一絲不苛，除了清楚掌握稻米的栽種資料，亦具備最先進的生產廠房，配合先進的精米技術及嚴密的品質監控，確保高度新鮮及優質，品質絕對有保証，讓人食得安心又放心。
而這款JA新潟越光米，產自新潟縣，屬日本米中最頂級。產自肥沃的土壤，而且用富有礦物質的雪山水灌溉，加上強烈的日夜溫差，令稻米長得慢結飽滿。此外，這種米不用沖洗即可直接加水煮食，免洗米的白米在磨製過程的最後階段，用精密設備將白米洗淨，無雜質、無米糠殘留，所以不用沖洗即可直接加水煮食。白米表面不殘留米糠，加水後馬上吸收膨脹，令每顆米飯都亮白剔透，香甜可口~
雖然係日本米，但配有中文的介紹及煮法指引，真係令我地睇得清楚明白呀~
![]( "DSC00699")
![]( "DSC00703")
其實介紹以礦泉水煮食，效果會更為香甜味美。不過因為唔記得左買，所以今次試唔到，留待下次啦！
今次煮出來都覺得白米顆粒分明，同埋當係電飯煲煮緊時，都有好濃郁嘅飯味呀~
![]( "DSC00722")
其實有咁靚嘅日本米，當然係整最合適嘅飯團啦！雖然係簡單左少少，不過可以除左食之外，亦都係一個好好嘅親子時光嘛！
材料真係好簡單~
![]( "DSC00714")
除左白米係主角之外，當然唔少得三文魚。不過因為我地同小小豬一齊食關係，所以我用左蒸嘅方法。先將三文魚蒸好之後，然後拆骨，變成三文魚碎~
![]( "DSC00724")
所以材料齊備，小小豬就開始大展身手啦~
![]( "DSC00725")
把煮好的米飯拌上切碎的三文魚，之後把一半的飯放入模~
![]( "DSC00729")
再放上蟹子~
![]( "DSC00735")
再放多一層米飯~
壓成三角形~
![]( "DSC00741")
最後用紫菜包着飯團即成。~
![]( "DSC00752")
唔好以為小小豬只係識食，佢整係依個飯團時都好專心。依六個製成品，除左一個係我整之外，其他全部都係小小豬自己整呀(當然大肥豬都有從旁協助佢啦)。
雖然有幾個可能壓得冇咁大力，所以散散地，不過以小小豬嚟講，佢都已經好叻啦~
![]( "DSC00756")
睇小小豬依個為食樣，都知啲飯團好好食啦~
![]( "DSC00788")
我覺得依隻米都好香，而且口感比其他珍珠米煙韌好多，黏性都好強，所以真係除左啱做飯團之外，都好適合做煮飯及煲粥等。所以嚟緊會再用依款米做多啲其他菜式，希望會成功，唔好浪費依隻咁靚嘅米啦！
我地嘅FACEBOOK專頁，你LIKE左未呀~
![]()
記得關注埋我地個微博呀~
![]()
仲可以電郵俾我地添~
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
