4 JANUARY 2014(SAT)
由於依家唔洗考慮請假關係,可以係平日小小豬放假時入嚟玩,所以今年我地迪迪尼張MP只係買銀咭, 雖然可以入嘅機會係少左,不過我都覺得OK啦!
原本打算放聖誕假時搵一日平日入嚟,點知可以入場嗰日我又唔舒服,最後要等到今日先可以再入嚟玩呀~
上次同小豬媽佢地入嚟都冇影聖誕樹,終於今次影度,年年都影冇理由今年冇影嘛(雖然年年都係一樣...哈哈哈)~
之前好幾次巡遊我地都好主動帶小小豬出去玩,試過好多次之後,小小豬係上次入嚟都叫做肯踏前一步,問工作人員拎左個樂器之後,就走返自己位玩。
不過,今次小小豬真係好叻,係工作人員未叫嘅時候(因為佢已經熟晒首巡遊歌,知道邊個位可以出去玩),佢已經急不及待行出去,仲主動去問姐姐拎彩帶呀~
見到小小豬咁主動,我同大肥豬都勁驚喜呀!不過,亦都係因為大肥豬嘅驚喜,攪到佢不知所措,佢已經拎住部相機,都唔識得幫低小小豬玩嘅開心樣,係我叫佢影先去影,仲要好多張都係對錯焦,真係俾佢激C呀!
唔緊要,既然小小豬今次玩得咁開心,相信已經係開左一個好頭,下次等我自己落場影,一定影到好多小小豬嘅開心樣呀!
原本打算帑睇完巡遊去影聖誕MICKEY,不過真係多人都嚇親,所以最後改去搵DONALD。其實DONALD都一樣係勁多人,不過叫做比MICKEY好少少。
等到DONALD啦,睇吓小小豬幾開心,攬到DONALD實呀~
輪到請工作人員幫我地影,真係勁嬲囉,完全唔叫小小豬望鏡頭,勁隨便咁影,人都未企定就話影左,真係白白浪費左我拍排時間。我地之前嗰啲又可以影好耐,工作人員又幫手叫小朋友望鏡,又影好多張。到我地就完全HAE影,都唔知係唔係歧視我地香港人呀~
雖然影相過程又有少少唔開心,不過依個DONALD都好鐘意同小小豬玩,我地走時都拖住小小豬行幾步,所以都算啦,只可以怪那位負責影相嘅工作人員。
依期小小豬勁迷火車,係排DONALD時都已經話要搭火車。所以我地要對現承諾,帶小小豬去搭一轉火車啦(入嚟今多次,都係第一次搭呀..哈哈)~
正當我地行過城堡旁時,撞到好友CARMEN,第一時間就當然叫佢幫我地三口子影相,因為好耐都冇係城堡前影相啦~
之後我地就去左玩飛碟,原來飛碟旁嗰幾棵係紅樹,依期好多朋友仔都去左影紅葉,所以大肥豬都話幫我地影幾張,咁就唔洗去咁遠影紅葉,真係激C我啦~
其實今日周圍都好多人,想玩多樣GAME都要排好長龍,可能係仲係做緊聖誕活動加上又係特選周未,所以人特別多。我地都怕怕地迫人,所以玩左完飛碟就走啦!等下次平日再入嚟,人少少好玩啲又可以玩多幾樣嘛!
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
香港迪士尼樂園
釜山水族館
Thormork 冰島高地
六義園(東京)
中環街市
深圳野生動物園
珠璣巷
數碼廣場