23 OCTOBER 2013(WED)
今日我地返左小豬媽屋企食飯，係未食飯之前，佢地兩婆孫係廚房玩得好開心，知唔知佢地係度做緊乜呢~其實就因為小豬媽係未開始煮飯前，係廚房整緊薯仔汁飲。可能就係因為個渣汁機所發出嘅聲音，小小豬聽到之後就走入廚房，仲不停話要幫手呀~
見依個小小豬咁有誠意，所以小豬媽就同小小豬一齊整薯仔汁啦！
初時唔太識整，所以都好合作地聽小豬媽嘅指示一齊整~
當佢知道個技巧之後，小小豬就話要自己整，仲唔俾小豬媽幫手添。雖然都明知佢係貪玩，不過小小豬都有板有眼，仲好用心咁整添~
睇佢整得幾開心~
有依個擦鞋豬整薯仔汁，小豬媽當然飲得好甜啦~
哈哈哈...又一次証明，依個小小豬係一個擦鞋豬嚟，佢都不知逗到小豬媽幾開心呀！
我覺得多啲可以俾小小豬參與吓做簡單家務，都係一件幾好嘅事，等佢可以從另一個角度學習之餘，當佢完成之後，小小豬嘅自信心又可以更加，所以佢依啲善意嘅貪玩，我都唔會阻止，有時仲會推動吓添。
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
