15 SEPTEMBER 2013(SUN) 由小小豬出世開始，大肥豬都話好想為小小豬培養良好的宗教信仰同埋良好的身心，因為覺得可以從信仰中學習愛人，等佢可以由細開始建立良好興趣，洗滌心靈咁話。
不過，我成日都覺得小小豬仲細，如果咁快帶佢上依啲課堂學習宗教，其實我都怕佢係會唔明白。最後，大肥豬搵到一個聖堂係可以俾三歲小朋友返主日學，可以透過遊戲、唱歌、活動...等等，可以從各活動中慢慢學習及認識宗教。
其實我都覺得小小豬開始返K1，都已經大個仔，所以都係時候可以參與依啲活動。就係返左主日學之後對宗教唔會有太大認知，不過當係一個假日小節目，等佢可以同多啲小朋友一齊玩，都係一件好事嚟嘛，所以今日小小豬第一次返主日學呀~
![]( "IMG_3577")
原來上堂時係要小朋友自己上，家長係唔可以陪，所以開頭都好擔心小小豬唔知會唔會扭計唔合作。
不過，睇返今日大會同小朋友影嘅相，原來小小豬都好乖乖咁留心聽義工老師嘅講解，亦都算有參與活動，所以都要俾個叻叻佢呀~
![]( "IMG_3578")
![]( "IMG_3579")
哈哈哈...真係估唔到依個機構又幾IN，知道家長都會好想了解多啲小朋友上主日學時嘅表現，所以就影左好多相之後放上FACEBOOK，咁我地家長都可以知道大約小朋友個情況，都放心好多呀！
整體上第一次返主日學，小小豬都叫做合格啦，希望嚟緊每堂都可以繼續乖乖上堂，開開心心同啲哥哥姐姐仲有義工老師一齊玩啦！
我地嘅FACEBOOK專頁，你LIKE左未呀~
![]()
仲可以關注埋我地個微博呀~
![]()
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
