攪笑仔去APM搵食

19 OCTOBER 2013(SAT)

同小豬媽去完鯉魚門玩完之後，我都攰攰地，所以又偷懶一吓唔煮飯。同小小豬洗完白白休息一陣之後，我地三口子就轉去APM搵食啦~

原有APM有個MOLLY小型展覽，當然唔少得去吓相啦！不過小小豬俾在場其他遊戲吸引住，所以都唔多肯同我影相，所以只係影左兩個公仔呀~

小小豬俾咩吸引住？咪就係場內嘅考定力嘅小遊戲所發出嘅聲音。見都唔算太多人，所以就同小小豬排隊玩吓啦~

見到扭蛋機又要走去攪攪陣呀~

之後我地就去FOOD COURT醫肚，我都好耐冇嚟依度食，完來已經裝修過晒，又加左好多唔同類型嘅食店，又可以多啲選擇啦！

不過，對我嚟講最新奇都係依度機(可能已經推出左好耐，不過係我大鄉理...哈哈哈)~

啲食物整好左之後，依部機仔就會震，咁就可以去拎嘢食啦(嘩...好新奇呀)~

當我地等左一陣，部機仔就係枱上面不停震，小小豬見到就好攪笑咁拎起，仲擺係耳仔度，真係俾佢笑C左，我估佢以為依部係電話，以為係有電話打嚟，想幫我地聽呀~

佢望住部機嘅時候個眼神，再加埋佢個動作，真係俾依個傻豬仔笑C，就連隔離枱嗰位小姐都係度笑呀...哈哈哈！

講返食先，眼花撩亂真係唔識得揀，揀左好耐最後都係食番我地最熟識又覺得好味嘅日本類啦！雖然係簡單啲，不過都唔錯，幾好食呀~

食飽飽之後就SHOPPING一陣，就去做小小豬最鐘意嘅活動....食雪糕。不過因為小小豬都仲係有少少咳，所以唔可以食太多，為免佢食得狼C，所以就由大肥豬餵佢啦~

雖然小小豬都萬分不願意，不過有得食佢都肯就範。依一個真係名正言順嘅為食豬嚟呀！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================