今日一朝早起身我個小情人就俾左個小驚喜我，就係自動自覺走埋去個琴仔度，自彈自唱一首歌仔，好歌送我情人節~
![]( "DSC06117")
哈哈哈....佢真係好專心咁亂彈同唱呀，雖然都唔太知佢唱乜，不過都算係一份好好嘅情人節禮物啦！
原本都PLAN左啲小節目同大肥豬兩個去慶祝，不過之後有另一個更好嘅節目，所以就更改行程。我地做左啲乜呢？咪就係一家親友嚟我家拜年兼打邊邊，雖然唔係二人世界，不過可以一家人係依個重要日子開開心心咁食飯，比起其他節目仲溫馨及溫暖啦~
話晒都係情人節，點到有少少慶祝活動。就係大肥豬放工返屋企時，買左兩件小蛋糕返嚟，等我地夜宵慶祝呀！
睇吓依個為食豬，一見到件小蛋糕就要食，完全冇諗過等埋我呀~
![]( "DSC06327")
情深的一吻...冧C啦~
雖然就簡單左少少，不過學大肥豬話『簡單就是幸福！』，有咁多親人同我一齊過，所以我都已經覺得好開心、好幸福啦！
![]()
