9 DECEMBER 2012(SUN)
上幾個星期天氣都唔好,所以都冇乜點帶小小豬出去放電,極期量都係去商場做啲空內活動。
終於等到今日太陽伯伯又再出嚟,天氣非常好,暖暖地又唔太風,所以一定要做啲OUTDOOR活動,等小小豬放放電先得啦!
原本都打算入迪迪尼,不過因為朝早要去幫老爺整部電視,之後又等小小豬同爺爺玩左一陣,為免趕住入好似好辛苦咁,所以都係唔入,近近地咁去左觀塘海濱公園,等小小豬走走走咁放吓電。
次次去海濱公園都只係前半段玩(即觀眾席位置),所以今次我地就集中係後半段,有啲少少兒童設施地方玩。依個小小豬真係好鐘意音樂,一見到啲可發音嘅設施睇佢玩得幾開心~
**我的微博..關注吧**
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================