23 OCTOBER 2012(TUE)
今日天氣好好，所以我地決定去遠少少嘅地方俾小小豬放吓電，順便要去試新相機嘛！
係諗緊去邊嘅時候，大肥豬仲話帶我地去新地方，有好多設施同一個大草地，一定啱小小豬玩。哈哈哈....依個地方就係佐敦谷公園。原來我地由屋企去真係好方便，因為樓下就有小巴去到附近，再行十五分鐘左右就到啦！
睇吓小小豬見到個大草地幾開心~
![]( "DSC00024")
周圍走...走...走呀~
![]( "DSC00062")
![]( "DSC00063")
![]( "DSC00078")
哈哈哈...依張相影得小小豬幾似女仔~
![]( "DSC00065")
今日除左去新公園玩之外，我地仲玩左個新玩意，就係竹蜻蜓啦。我地都只係教左佢一次，就已經識得玩，仲玩得好投入添呀~
![]( "DSC00023")
![]( "DSC00090")
玩得實狂太興奮，成身都濕晒，面仔又紅卜卜，所以玩一陣就要走~
![]( "DSC00119")
換完衫之後，見有個室內值物館(正確名唔記得)，所以我地就入去行一陣，其實都主要係想涼啦吓冷氣呀~
![]( "DSC00143")
由於都係玩左一陣，所以我地基本上都未行晒個公園，另一邊仲有其他設施都係好好，所以有機會就一定會再嚟玩過呀！
大家見小小豬著住『無良MaMi』嘅母子裝，但又點解唔見我地嘅合照呢？咪就係因為個天氣實在太好，加上草地上又冇嘢遮，所以小小豬玩左一輪說已經成身濕晒，未嚟得切同我影相就會換衫，所以今次就冇母子裝睇。不過小小豬著依件衫都幾好睇呀...哈哈哈，下次一定要再著嚟齊齊影先得！
今日用左新相機嚟影，整體上都真係幾好，我都只係用AUTO就已經影左好多小小豬嘅動態相，都冇乜點OUT FOCUS。不過我就覺得個色唔多夠，大肥豬話可能係我SETTING問題，所以我一定要俾多幾錢肉緊去咪熟部相機，咁就可以幫小小豬影多啲靚相啦！
**我的微博..關注吧**
![]()
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
佐敦谷公園
G-fit
完善公園
大埔海濱公園
中國香港世界地質公園 (甕缸群島)
荃灣沙咀道遊樂場
沙田公園
APEC主題公園