7 NOVEMBER 2012(WED)
今次係個腸胃炎可算係小小豬出世以來，病得最嚴重嘅一次，辛好依家都已經好返晒，已經回復昨日嘅百厭本色。見佢已經精精神神，人都真係安心晒。希望病埋今次之後就唔好再病啦！
病一病真係攪到冇返學成個星期，開頭都好擔心小小豬今日返學會扭計，好在由搭車到去到學校門口佢地好乖仔，完全冇扭計，仲不停開心笑咁呀！
到左學校門口，因為我都早左少少，所以學校都未開門，所以就係旁邊個小公園玩一陣。
睇見小小豬個古靈精怪樣都知佢冇晒事啦~
仲好開心咁玩滑豬仔添~
![]( "IMG_8646")
![]( "IMG_8661")
小小豬好乖呀，當學校開門時，叫佢走時就即刻走去拎書包，仲同公園SAY GOODBYE，完全冇扭計，返左學真係大個仔左唔同啲呀！
乖仔事又唔只係依樣，平日小小豬都唔多肯自己行入學校，成日都要我抱住佢入到課室。不過今日小小豬好心急咁自己行入學校，仲跑住咁走入課室，入到課室又好快咁同我SAY GOODBYE，之後就自己行去拎玩具玩啦！
冇返幾日學，我都好擔心小小豬係學校又會扭計攪事，所以放學之後我都有問老師小小豬今日個情況。不過老師竟然話小小豬完全冇扭計，好鐘意學校活動添。老師仲話可能之前係小小豬唔舒服，但又唔識得表達，所以就以發脾氣、扭計嚟表達。依家冇晒事，所以就變返個好乖乖啦！
聽到老師咁講，真係勁開心呀！小小豬真係越嚟越大個仔，希望佢可以KEEP住，日日都係做GOOD BOY啦！
![]()
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
