21 OCTOBER 2012(SUN)
話說上個星期我幫屋企啲毛毛公仔洗白白，洗好左之後一隻隻咁晾左係個夾夾架度，就係因為咁...小小豬就發現左佢地，要求同啲公仔玩，當然濕濕咁又點可以玩呢？終於到左今日，公仔終於都乾透，所以可以俾小小豬玩啦！
其實係啲公仔堆中，係有三隻唔同顏色嘅砂糖兔仲有DUFFY，不過唔知點解小小豬對粉紅色嘅隻砂糖兔特別有好感，成朝早都係要抱住，仲幫佢改左個名叫PURPLE添。
哈哈哈...點解叫PURPLE，就係因為砂糖兔著住件紫色衫，所以小小豬一見到不停叫PURPLE..PURPLE，個名就咁嚟啦！
個傻豬仔愛PURPLE嘅程度真係好利害，就連我地去行超級市場都要帶埋佢去呀(之前玩咁多種玩具都未試過自己話要帶落街呀)~
![]( "IMG_8063")
![]( "IMG_8065")
行完超級市場，見天氣都OK，所以又去公園仔玩一陣，個傻仔都帶埋PURPLE去，仲同佢一齊玩呀~
![]( "IMG_8068")
![]( "IMG_8071")
真係玩到邊抱到邊，都幾攪笑呀~
係同PURPLE玩之餘，個小小豬真係越嚟越大膽，開始玩繩索啦~
![]( "IMG_8078")
係大肥豬同小小豬玩繩索嘅時候，我拎住PURPLE影吓相~
![]( "IMG_8077")
哈哈哈...真係好耐冇拎啲公仔去影相啦！其實有時都真係好想帶啲公仔出去影吓相，不過依家要照顧小小豬又點會有時間呢？就算有時間都用晒嚟影小小豬啦！不過其實影公仔都真係幾好玩，所以等小小豬大個啲嘅時間，都可以帶啲公仔去影吓相，自己玩吓先得！
**我的微博..關注啦**
![]()
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
