26 NOVEMBER 2011(SAT)
自完成左CPDA嗰個PLAYGROUP之後，我地幫小小豬就報左一月份幼潛嘅PLAYGROUP，依家等緊個抽籤結果，唔知有冇得學。不過前幾日大肥豬同事介紹左係我地屋企附近嘅英文PLAYGROUP班，所以我地都有興趣去睇吓，等依個幾月未有得上幼潛時，都有得返吓PLAYGROUP有嘢學同玩。
佢地有得試堂，所以我地又去八卦一吓。不過個時間就唔係咁好，因為LEV 1嘅課堂係安排左早上九點上，好似太早，不過大肥豬話試吓先，睇吓個感覺先再決定報唔報，所以就約左今日去試堂啦！
由於我今日要返工，所以就大肥豬一個人帶小小豬去上堂。由於課堂係九點開始，小小豬平時都習慣瞓到八點半過後先起身，所以今日要一早叫醒佢，攪到好小小豬係唔夠瞓嘅情況吓返學。
根據大肥豬講，整體上課堂環境都尚算OK，設備都齊全，不過當然冇CPDA咁多啦。由於係英文PLAYGROUP，佢地都係全部以外籍老師教，啲老師都幾好，都叫有耐性。
課堂活動就係先唱遊、講故仔時間、食茶點同埋畫圖畫，依一幅就係今堂小小豬嘅勞作，其實係一棵樹木嚟，不過未出門口就已經爛左，所以我返屋企只係見到依個..哈哈~![]( "IMG_6539")
講返小小豬表現，可能唔係自然醒瞓唔夠，所以大肥豬話佢好痴身，好多指示都唔多願意去做。不過睇佢依個勞作我都估到，因為平日嘅小小豬好鐘意拎啲顏色筆畫嘢，
畫到張紙滿晒先收手呀。
雖然我都好想利用時段俾小小豬上依個英文班，不過經過今日試堂，我都係唔打算JOIN，因為佢未瞓醒就要佢去上堂，好似好慘咁，加上以咁嘅狀態都學唔到嘢啦。
都係為小小豬著想，咁細個唔好要佢咁辛苦，所以繼續再搵啲舒舒服服嘅PLAYGROUP俾佢去玩啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
