7 JUNE 2011 (TUE)
經過依幾日帶小小豬去玩，都發覺佢比較怕羞(定係細膽)，一出街就咁唔多出聲又冇乜表情，同佢點玩都係傻豬豬咁，但一返屋企就即刻精神晒，所以都要關注吓佢依個情況。
所以我地都決定多啲帶小小豬出街玩，等佢見多啲人見事，希望可以解決依個問題。(其實我地都算多帶佢出街，不過都唔知點解會係咁)
今日放工返到小豬媽屋企，見個天氣都算幾好，又唔算太熱，加上LULU妹今日又放早，所以我地就落樓下公園仔玩啦！小小豬個狀態都幾好，都算幾肯玩，仲間唔中有啲笑樣添~
唔知點解佢好鐘意玩個呔盤，LULU妹抱住佢玩左好耐，係走時都唔肯放手，真係勁笑呀~
係公園入邊都有好幾位小朋友玩緊，又玩車仔又玩波波，小小豬都好似好鐘意咁不停望住佢地，尤其有個小朋友同佢媽咪玩緊足泡泡，小小豬睇到勁開心，仲追住啲波波嚟遠添。
就係依個時候，LULU妹幫我影左依張相，雖然影到我肥左啲啲，不過真係超鐘意，睇吓小小豬笑得幾甜~
最後我地仲玩拋豬仔遊戲添~
我地玩左半個鐘左右，小小豬都已經玩到成身汗，所以我地就返屋企洗白白啦！
睇小小豬今日嘅表現都幾好，所以我地會多啲帶佢落公園仔玩(下次仲可以帶埋車車添)，等佢見識多啲，起碼唔好驚驚青青嘛！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
