23 MAY 2011 (MON)
今日婆婆又買左一份大玩具俾小小豬，就係依一部好靚嘅車車啦~
係婆婆清潔緊部車仔時，依個小小豬一見到部車仔時，佢對眼好似發左光咁望到實一實，好似知道一定係俾佢玩咁，真係好攪笑呀！
清潔好晒之後，我地就開始放小小豬落去玩，唔知係剛剛瞓醒定有少少驚，開始佢成日都好想捉住我地，又好似想落車咁~
不過之後我扶住佢行左一陣車，佢就開始鐘意部車車，仲唔肯落車添~
依個真係傻豬仔，調轉頭玩都一樣咁開心~
依款車車小小豬都係第一次玩，我地都冇正式教佢點玩，就已經識得自己向前行。雖然係姨姨用左個包包嚟引佢，不過都已經算叻叻呀~
暫時嚟睇依部車仔都算大左少少，隻腳仔仲唔完全到地下，不過我地小心啲陪佢玩，一定唔會有問題呀！
哈哈...依部車車主要都係打算同小小豬落公園時玩，今日見佢玩得咁開心，相信去到公園一定會仲開心呀，真係好想快啲星期日可以落公園玩呀(當然要等太陽伯伯開工先啦)！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
