6 JANUARY 2014(MON)
我成日都覺得有一啲事係好特別，就係當你好想買/要一樣嘢嘅時候，你點樣用盡方法都係搵唔到。但當你已經決定放棄嘅時候，咁就會得到。
依個定理我今日又體驗到，下午同小豬媽去SHOPPING，冇意間就買到想買好耐嘅斜咩袋型嘅銀包啦~
其實自從大約一年多前，貪得意買左個斜咩袋型嘅銀包之後，我就發覺勁好用，有時落街買少少嘢，都只係咩住個銀包仔就可以出門口。有時同大肥豬出街，個大背包就由大肥豬咩，我自己就咩住個銀包仔，所以八達通都放晒入去，上車都方便啲呀！
不過，用開個包包都已經殘殘地，所以大肥豬都叫我買過一個新嘅當係聖誕禮物送俾我。點知我當時周圍搵都係搵唔到，最後過左聖誕節都過左，我都仲係搵唔到，依個時候都打算放棄唔再搵，舊有嗰個用到真係爛先再考慮買其他款啦！
世事就係咁奇怪，小豬媽想買對運動鞋，所以今日就同佢去行吉之島。點知就係我地只係路過嘅時候，見到到個包包，我地都覺得個間格同顏色都真係唔錯，所以就係咁我又有新銀包用啦，仲要係小豬媽送俾我嘅，真係十級開心呀！
斜咩袋型嘅銀包有兩個大分格~
第一格嘅空間比較大，可以放錢之外，仲可以擺埋散銀呀~
另一格就可以擺啲全年通行証，最好就係可以將電話都放埋係度呀~
最前都有一個小位置，我已經想好左將我啲咭片，咁我就洗去買咭片盒，而且又跟身，下次去EVENT可以方便啲派啦(哈哈哈...不過都唔知幾時可以再有得去玩啦)~
其實真係好方便，就咁咩住就可以去街街啦~
依款銀包真係好難搵，所以要好好小心咁用，唔好咁快整爛，如果唔係真係唔知黠買得返呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
