29 SEPTEMBER 2013(SUN) 哈哈哈...我自己都覺得自己利害，係仲係病病地仲未回覆狀態下，尋日就同小小豬入左
海洋公園玩，今日就同LULU妹同嘉汶表妹入迪迪尼，再次感受迪迪尼黑色世界啦！
其實今日係某信用卡公司包夜場，好好彩地小豬爸張信用卡又抽到入場卷，所以我地就可以入去玩啦！
第一個目的地當然係去鬼屋啦！不過今次冇上次咁優待，今次要排隊啦，我地排左大約二十分鐘就入到去玩啦~
![]( "P1010806")
當然再接再勵，去埋另一間鬼屋啦~
![]( "P1010809")
行過灰熊山，又見到CHIP & DALE啦~
![]( "P1010821")
之後我地就周圍，仲玩左幾轉過山車，不過今日真係好多人，每次都要排廿幾分鐘先玩到呀！
係我地排隊玩迷離大宅，見到少少煙花呀！話事話，我真係好耐冇正式係樂園睇過煙花，真係要搵個機會睇吓先得啦~
![]( "P1010824")
上次都已經好想同JACK影相，不過係幻想世界又唔見佢地，原來係城堡附近，今次終於影到啦~
![]( "P1010833")
仲同到DUFFY影添，真係超開心呀~
![]( "P1010839")
之後原本我地排排企等睇巡遊，等左大約十分鐘，點知因為落雨，所以取消左，真係有少少失望。
原本都打算再去玩多轉過山車，不過雨勢又開始大，我地一把傘三個人用又真係幾狼狽，所以最後行多一陣SHOP，就走啦！
因為落雨，所以玩嘅遊戲唔多，影嘅相亦都唔多，都真係有少少掃興，不過唔緊要，我應該會再有機會入嚟玩多一次，因為小小豬都仲未玩嘛...哈哈哈！
講起小小豬，雖然我係去左玩，不過我都好掛住小小豬，我仲買左份小禮物俾小小豬添~
![]( "IMG_3905")
哈哈哈...依件DUFFY HALLOWEEN靚衫其實我上次入園睇場刊介紹見到都已經勁想買，不過行SHOP又見唔到，今次終於俾我見到，當然要即刻買啦！下次入園小小豬就可以變物成為DUFFY，一定勁可愛呀！
如果大家有興趣睇黑色世界有乜玩，可以睇返我之前嘅小分享呀！
迪迪尼黑色世界優先玩 PART 1
迪迪尼黑色世界優先玩 PART 2我地嘅FACEBOOK專頁，你LIKE左未呀~
![]()
仲可以關注埋我地個微博呀~
![]()
可以電郵俾我地呀~
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
