26 AUGUST 2010 (THU)
哈哈...又要打尖出左依個POST先，今日係另一個重要日子，知唔係就係我生日啦！
雖然今年生日要留係屋企坐月，冇得出街慶祝，不過今年有啲唔同，第一年以媽咪身份嚟慶祝，多左小小豬同我一齊過，所以都特別開心。
既然係生日，當然唔放過同今年收到最好生日禮物...我寶貝仔影番幾張相啦~
可能開始扭眼訓，所以小小豬眼睛唔望鏡頭，不過唔緊要小小豬真係表情多多，好攪笑呀！
大肥豬今日都俾左個超級大驚喜我，佢返到屋企第一時間就送左一扎好靚嘅花花同蛋糕俾我，完全冇諗過佢會去買花花送俾我，真係超級開心，大肥豬真係好鍚我呀~
晚飯之後，小豬媽、小豬爸仲有LULU妹就陪我一齊食生日蛋糕同我慶祝，小豬爸仲俾左封大利是我添~
雖然今年生日平平淡淡咁過，不過成家人陪我一齊慶祝，我真係過得好開心呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
