15 FEBRUARY 2010 (MON)
往年初二都要一早起身入新界去同大肥豬婆婆拜年，今年因為有左小小豬關係，所以今年奶奶都唔洗我地一齊入去。哈哈….又可以瞓晏啲啦！
雖然唔洗參與拜年活動，不過我地都有個小節目，就係又係去睇戲。繼尋日嘅《72家租客》後，今日睇嘅就到《花田囍事》~
依套戲真係差左啲，冇乜笑位之餘仲覺得有悶場，所以話我都係支持《72家》多啲，起碼好笑好多嘛！哈哈~~
睇完戲又係時間返奶奶食開年飯，由於時間尚早，嫂嫂們打麻雀又唔夠人，所以我就要幫手落場打埋一份。其實我都唔太好兼唔太識打牌，但見到係自己人又細細地咁就當夠陪佢地玩吓。
點知一玩之吓，有兩條紅衫魚遊走左之餘，仲攪到我頭痛到爆。唉...真係怕怕....下次都唔好預我啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
