28 JUNE 2009 (SUN)
天光墟我地都未去過，都只係聽過有好多平靚正嘅魚仔買。前排大肥豬講話想去睇，係依個時候又係我做乖乖老婆嘅時候，陪大肥豬一齊去見識吓，睇吓有冇靚魚買。
就係咁......今日一早就起身，未夠六點半就出門口，目的地就係去買魚仔。好在我地屋企樓下有小巴去到天光墟附近，咁都算方便。
好快就去到目的地，唔知係落雨關係定係我地晏左，所以都唔係好多攤檔。雖然係少少幾檔，不過都好多野睇，佢地將啲魚袋放晒係地下任人揀，都幾攪笑。
除左魚仔之外，嗰度都有好多其他嘢買呀~
行左一陣，大肥豬終於搵到目標，仲好細心咁揀魚仔添~
經過一輪戰鬥，終於買左三條大魚返屋企啦~
買完魚仔，我地就去食左個豐富早餐啦~
係我地行去搭車途中，見到平日繁忙的女人街，原來清早嘅時候係咁寧靜，仲好寬闊添~
返到屋企，大肥豬就好忙咁處理佢啲魚仔。我.....就當然去繼續訓覺訓埋下半場啦！
訓醒起身，魚仔已經好得意咁游..游...游....緊啦~
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
