今日一早就陪奶奶入西貢去大肥豬阿哥屋企，雖然唔係第一次入去坐，不過今次我地去嘅時候剛好係潮脹，所以望出去係一進冇制嘅大海，成個VIEW真係勁靚，個感覺好舒服呀~
原本係打算入去幫大伯整電腦，不過唔知點解冇端端就變左BBQ。
唉...原本BBQ係冇問題，我仲好鐘意添，不過咁橋今日係初十五，所以真係有得睇...冇得食。冇理由叫大家就我唔BBQ嘛，所以都冇辦法，當陪佢地玩啦！好在我都有啲燒粟米同蕃薯救我一命。哈哈~~
食得一半，我就落左樓上同姪女玩，姪女都好有斤兩，所以都唔敢抱佢，同佢玩吓車仔就算啦~
之後見大伯屋企有張大按摩椅，所以就貪玩試吓。個感覺係........唔舒服，好似俾人打咁，都係玩一次就夠啦~
大家BBQ完，之後整完電腦就走啦。就係咁我就過左假期嘅第一天啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
