一家歡樂迪迪尼

我尋日又入左迪迪尼玩啦！嘩哈哈..真係自己都覺得利害連入兩日迪迪尼。

不過今次係好唔同，係我入去咁多次最..最..最..開心就係今次(當然我次次入去都係會開心！)。因為今次係同埋小豬爸、小豬媽、LULU妹、仲有細路同女朋友仔，我地一行七人入去玩左一日。

由於小豬爸都係第一次入迪迪尼，所以我地都陪左佢玩GAME。不過...除左玩之外，一定唔少得影靚相嘅時間。我鐘意影相，都係遺傳至小豬媽，所以有我地兩個係度，又點會影得少相呀！哈哈哈~~

我地由迪迪尼列車開始就不停影..影...影啦~~

入迪迪尼，當然唔可以唔同公仔朋友影相。好在真係唔算多人，所以我都都同左好多人物影，仲每隻都影左好耐添..哈哈~

不過最開心就係......我終於等到MARIE啦！

由我第一次有用張AP開始，我次次入去到好想搵MARIE，點知次次都係失望，所以尋日一見到佢，真係勁開心(如果見到我都真係勁失禮呀)，我仲同佢單獨影左幾張添。原本好想佢抱住我影，不過佢唔肯，只係拖住我。不過咁樣我都已經勁開心啦! 哈哈哈~~

可以一家人開開心心咁去玩，我已經覺得好開心。再加埋同MARIE影相....真係超爆開心呀！呵呵呵~~~

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================